बाढिको वितण्डा: विराटनगरका बस्तीमा सिंघिया खोला पस्यो

१४ असार, विराटनगर । अबिरल वर्षासँगै सिंघिया खोलामा आएको बाढी विराटनगरका बस्तीमा पसेको छ ।

मंगलबार बिहान विराटनगर महानगरपालिका वडा नं.८ को खोला किनारका बस्तीमा पसेको हो । सिंघियाको बाढीका कारण खोला किनारमा २५ परिवार विस्थापित भएका छन् ।

जिल्ला प्रहरी कार्यालय मोरङका अनुसार बिस्थापितहरूलाई सुरक्षित स्थानमा सारिएको छ । खोला किनारका अन्य बस्ती पनि बाढीको जोखिममा परेका छन् ।

सिंघियाको बाढीका कारण कटहरी १ को खोला किनारका बस्तीमा पनि पानी पसेको छ भने विराटनगर २ को खोला किनारका बस्तीमा पनि पानी पसेको छ ।