श्रीलंकामा अत्यावश्यकबाहेक अन्य सेवाका लागि इन्धन बिक्रीमा रोक

असार १४, काठमाडौं ।
आर्थिक संकटमा फसेको श्रीलंकाले आगामी जुलाई १० सम्म अत्यावश्यक सेवाबाहेक अन्य सेवाका लागि इन्धन बिक्रीमा रोक लगाएको छ।

सोमबार मध्य रातदेखि स्वास्थ्य, कानून व्यवस्था, ढुवानी, विमानस्थल, खाद्यान्न र कृषि सेवाले मात्र इन्धन आपूर्ति पाउनेछन्। समाचार संस्था एएफपीका अनुसार सरकारका प्रवक्ता बन्दुला गुणवर्द्धनाले आज रातीदेखि अत्यावश्यक सेवाहरू बाहेक कसैलाई पनि इन्धन आपूर्ति नगरिने बताएका हुन्।