प्रतिनिधि सभा बैठक एक साताका लागि स्थगित

भदौ, ७ । प्रतिनिधि सभा बैठक एक साताका लागि स्थगित गरिएको छ । नेकपा एमालेको आग्रहमा बैठक आजदेखि १२ गतेसम्मका लागि सारिएको हो । पार्टीका विभिन्न कमिटीका बैठक रहेको भन्दै एमालेले प्रतिनिधि सभा बैठक नराख्न सभामुख समक्ष आग्रह गरेको थियो । प्रतिनिधि सभाको अर्को बैठक भदौ १३ गते बिहान ११ बजे बस्ने सभामुखका प्रेस सल्लाहकार श्रीधर न्यौपानेले जानकारी दिए ।
नेकपा एमालेले ९ गते पोलिटव्यूरो बैठक बोलाइएको छ भने १० र ११ गते केन्द्रीय कमिटी तथा १२ गते निर्वाचन परिचालन कमिटीको बैठक बोलाएको छ । एमालेको आज स्थायी कमिटी बैठक छ ।