मधेशीको सूचीबाट मुस्लिम र थारु हटे

पुस, १ । मधेशीको सूचीबाट मुस्लिम र थारुलाई सूचीबाट हटाइएको छ । मधेशी आयोगका अध्यक्ष डा.विजयकुमार दत्तले सरोकारवाला संवैधानिक आयोगहरुले नै हामी मधेशी होइनौं भनेपछि आफूहरुले सूचीबाट हटाएको जानकारी दिए ।

मधेशी आयोगद्वारा गरिएको ‘नेपालमा मधेशी समुदायको थर सूचीकरण–२०७८’को उपसमूह–१ मा थारु र २ मा मुस्लिमलाई राखिएको थियो । सोही आधारमा मधेशी आयोगले मुस्लिम र थारु समुदायलाई पनि मधेशीको रुपमा परिभाषित गर्न सरकारलाई सिफारिस गरेको थियो ।

यसअघि थारु र मुस्लिम आयोगले नै मधेशीको सूचीबाट हटाउन मधेशी आयोगमा निवेदन दिएका थिए । उनीहरुको विरोधपछि नै मधेशी आयोगले थारु र मुस्लिमलाई मधेशीको सूचीबाट हटाएको आयोगले जनाएको छ।