राष्ट्रपतिको उपचार खर्च निकासा गर्न अर्थलाई परराष्ट्रको पत्र

असार, १९ । राष्ट्रपति रामचन्द्र पौडेलको उपचार खर्च निकासा गर्न परराष्ट्र मन्त्रालयले अर्थ मन्त्रालयलाई पत्राचार गरेको छ । पौडेलको भारतको दिल्लीमा उपचार गर्दा भएको खर्च निकासाका लागि परराष्ट्रले अर्थ मन्त्रालयलाई पत्राचार गरेको हो ।
राष्ट्रपति पौडेललाई भारतको नयाँ दिल्लीमा उपचार गर्न लगिएको थियो ।
परराष्ट्रका उपसचिव भेष प्रसाद भुर्तेलद्वारा हस्ताक्षरित पत्रमा भनिएको छ,‘यथार्थ खर्चको बिल भरपाई बमोजिमको रकम सम्बन्धितलाई भुक्तानी दिने प्रयोजनका लागि ५५ लाख दुई हजार दुई सय ७९ रुपैयाँ निकासा गरिदिन अनुरोध छ ।’ राष्ट्रपति पौडेलको दिल्लीस्थित अल इन्डिया इन्स्टिच्यूट अफ मेडिकल साइन्स ९एम्स० अस्पतालमा उपचार गरिएको थियो ।