आज पनि देशका अधिकांश ठाउँमा पानी पर्ने, भोलीदेखि मौसम सुधार हुँदै जाने

काठमाण्डौ, साउन १७ । अहिले देशभरको मौसम बदली रहेको छ । आजपनि दिनभरजसो देशका धेरै ठाउँमा पानी पर्ने मौसम पूर्वानुमान महाशाखाले अनुमान गरेको छ । भोलिदेखि भने मौसम बिस्तारै खुल्दै जाने मौसमविद्ले बताएका छन् ।
दिउँसो प्रदेश–१, मधेस, वाग्मती, गण्डकी र लुम्बिनी प्रदेशका केही ठाउँमा ठूलो पानी पर्ने छ । अरु ठाउँमा भने हल्कादेखि मध्यम वर्षा हुने सम्भावना छ ।
यस्तै, आज राति पनि वाग्मती, गण्डकी, लुम्बिनी, कर्णाली र सुदूरपश्चिम प्रदेशका केही ठाउँमा ठूलो पानी पर्ने अनुमान गरिएको छ । केही दिनयता मनसुनको न्यून चापीय रेखा नेपाल नजिक रहेकाले देशैभर पानी परिरहेको छ ।