नर्भिक अस्पतालले बनाएको संरचना भत्काउन काठमाण्डौ महानगरको निर्देशन

साउन १३ । काठमाडौं महानगरपालिकाले थापाथलीस्थित नर्भिक अस्पतालले लिजमा लिएको सरकारी जग्गामा बनाएको टहरा हटाउन निर्देशन दिएको छ । काठमाडौं महानगरपालिकाका शहरी व्यवस्थापन विभागका प्रमुख सुरज शाक्यले आज एक सूचना जारी गर्दै थापाथलीस्थित नर्भिक अस्पतालले लिजमा लिएको सरकारी जग्गामा बनाएको टहरा हटाउन निर्देशन दिएका हुन् ।
नर्भिक अस्पतालले लिजमा लिएको एक रोपनी ८ आना जग्गाको पश्चिमतर्फ सम्झौता विपरीत र नक्सा पास नगरी घर टहरा बनाएको भन्दै ती संरचना २४ घण्टाभित्र हटाउन सुचना मार्फत भनिएको छ । निर्देशन अनुसार नहटाए नियम अनुसार कारबाही गर्ने महानगरपालिकाले चेतावनी दिएको छ ।