माओवादी नेता सुबोध सिन्धुपाल्चोकमा संगठानात्कम काममा व्यस्त

भदौ, ४ । माओवादी केन्द्रका पोलिटब्यूरो सदस्य माधब सापकोटा सुबोध यतिबेला सिन्धुपाल्चोक जिल्लामा संगठानात्मक काममा व्यस्त बनेका छन् ।

चुनाव नजिकिएसँगै माओवादी नेता सुबोध जिल्ला केन्द्रित बनेका हुन् । उनी संगठानात्कम कामबाहेक जिल्लाका नागरिकको समस्या बुझ्न समेत पुग्ने गरेका छन् । उनले वर्षातले बाढि पहिरोले पुर्याएको क्षतिबारे चौतारा सँगाचोकगढि नगरपालिकासहित  जिल्लाका विभिन्न ठाउँ पुगेर अनुगमन गरेका निजी सचिवालयले जनाएको छ ।

जिल्लामा यतिबेला भने पालिका बैठक भईरहेका छन् । चुनाव नजिकिएसँगै पालिकाहरुले आफ्नो क्षेत्रमा पार्टीको अवस्था र भावि रणनीति बनाउन बैठक राखेका हुन् । विभिन्न पालिकाका बैठक आगामी भदौ १३ गतेसम्म हुनेछ ।

आज पनि माओवादी केन्द्रको जुगल गाउँपालिकाको पुर्ण बैठक बसेको छ । बैठकमा निर्बाचन समीक्षा र भावी योजनाका बारेमा छलफल गरिएको छ । नेता सुबोधको प्रमुख आतिथ्यतामा भएको बैठकमा केन्द्रिय सदस्य अमृता नेपाल, बाग्मती प्रदेश अध्यक्ष सरल सहयात्री, प्रदेश सदस्यहरु, जिल्ला सदस्यहरु र पालिका सदस्यहरुको उपस्थिती रहेको थियो ।