गठबन्धनका उम्मेदवारलाई सुनकोसीले दिएको सकारात्मक उर्जा

कार्तिक, २१ । मतदाता भेटघाट, घरदैलो र कोण सभा गरेर तीन दिन सुनकोसीका मतदाताको घर आँगनमा बिताएका लोकतान्त्रिक वाम गठबन्धनका उम्मेदवाले सकारात्म उर्जा प्राप्त भएको बताएका छन् ।
प्रतिनिधि सभा सदस्यका लागि साझा उम्मेदवार माधव सापकोटा सुबोध र क्षेत्र नं १ को २ का प्रदेश सभा सदस्य उम्मेदवार सरल सहयात्री पौडेल शनिवार विहानै सुनकोसीका गाउँ बस्तिमा पुगेका थिए ।
नेपाली कांग्रेसको बाक्लो उपस्थिति रहेको सुनकोसीमा गत स्थानीय निर्वाचनमा एमाले र माओवादीबिच सहकार्य भएको थियो । प्रतिनिधि सभाका अर्का उम्मेदवार सरेश नेपालको गृह गाउँ एवं प्रतिनिधि सभा र प्रदेश सभाको प्रत्यक्षतर्फ माओवादीको चुनाव चिन्ह गोलाकार भित्रको हँसिया हतौडामा मात्रै मतदान गर्नु पर्ने विषयलाई सुनकोसीले कसरी लिन्छ भन्ने प्रश्न यदा कदा सुनिने गरेको थियो ।
तीन दिने सुनकोसी घरदैलोका क्रममा सुनकोसीले साझा उम्मेदवारलाई गरेको स्वागत, सत्कार एवं दिएको शुभकामनाले सुनकोसीप्रतिको बाहिरी हल्ला र अन्तर कुन्तरका जिज्ञासालाई चिरिदिएको छ । सबै गाउँ बस्तिमा भएका घरदैलो, उम्मेदवार परिचय, भेटघाट एवं कोण सभामाहरु नेपाली कांग्रेसका स्थानीय नेता कार्यकर्ताका अगुवाईमा सम्पन्न भएको देखियो । धान र कोदो थन्क्याउने मारामारमा समेत नेता कार्यकता मात्रै नभएर सर्बसाधारणको बाक्लो उपस्थिति रहेको थियो ।
ठोकर्पा, कालिका, यमुनाडाँडा, सुनखानी, थुम्पाखर र पांग्रेटार गरी सात वडा रहेको सुनकोसीका सबै बस्तिमा मतदाताले गठबन्धनका उम्मेदवारलाई उत्तिकै स्नेन, सम्मान व्यक्त गरे, जितका लागि शुभकामना व्यक्त दिए । सोमबारसम्म आइपुग्दा उम्देवारहरुलाई, खादा, फुलमालाको स्वागतको दृश्यले सुनकोसीले उम्मेदवारहरुलाई अनुमोदन गरेको देखिन्थ्यो ।
तीन दिनसम्म अधिकांस मतदाताले भनिरेको विषय थियो, ‘हामी जिताउँछौं, जितको चिन्ता नगरि आगामी योजनामा लाग्नुस, हामीलाई नविर्सनुस्, अधुरा काम पुरा गर्न पहल गर्नुस्’ । शनिवार, सुबोध र सरलले मतदातालाई जनताकै बीचमा रहेर काम गर्ने, अधुरा काम पूरा गर्ने लगायतका आफ्ना प्रतिवद्धता व्यक्त गरे । आइतबार भने क्षेत्र नं १ को प्रदेश सभा १ का उम्मेदवार मसिना खड्का भण्डारी, माओवादीको तर्फबाट समानुपातिक तर्फ प्रदेश सभा उम्मेदवार अमृता नेपाल प्रभा पनि सुनकोसी उम्मेदवार परिचय, भेटघाट एवं कोण सभामाहरुमा सहभागी भए ।
सुनकोसीमा गठबन्धनलाई जनताले देखाएको आत्मियताको साक्षी बन्न ठूलो संख्यामा जिल्ला र काठमाडौंबाट सञ्चारकर्मी सुनकोसी पुगेका थिए । सञ्चारकर्मीको जिज्ञासामा उम्मेदवारहरुले सुनकोसीले आफूहरुलाई सकारात्मक उर्जा दिएको जवाफ दिए । सोमबार भएका मतदाता भेटघाट एवं घरदैलोमा स्थानीयले अपार मायाँ र स्नेह देखाए । उम्मेदवारलाई सबैभन्दा धेरै फुलका माला एमालेबाट उम्मेदवार बनेका सरेस नेपालको गृहगाउँ वरपर भएको थियो ।