रामकुमारी झाँक्रिले भनिन् : समाजलाई गलत प्रयोग गरीएछ, यो लोकतन्त्रको लागि गम्भिर छ

मंसीर, ७ । नेकपा एकिकृत समाजवादीकी नेता रामकुमारी झाँक्रिले समाजलाई गलत प्रयोग गरीएको भन्दै यो लोकतन्त्रको लागि गम्भिर भएको बताएकी छन् । आफु पराजय भएपछि आज सामाजिक सञ्जाल फेसबुकमा लेख्दै उनले भनिन् : यो साडे दुई दशकमा समाजलाई जसरी एक प्रकारको गलत प्रयोग गरीएको रहेछ नि, त्यो चाहि लोकतन्त्रको लागि गम्भिर छ। डर लाग्दो छ। जय र पराजय सामान्य प्रक्रिया हुन। मैले अत्यन्तै सहज रूपमा लिएको छु ।

उनले फेसबुकमा लेखेकी छन्,
यो निर्वाचन मेरो लागि अत्यन्तै रोमान्चक रह्यो। ज्ञानको हिसावले कुनै प्रशिद्ध विश्वविद्यालयमा पढे भन्दा बढी। समाज र सामाजिक जीवनका थुप्रै पक्षको बारेमा समाजको पिधसम्म पुगेर हेर्ने, बुझ्ने, जान्ने मौका पाएँ । यो साडे दुई दशकमा समाजलाई जसरी एक प्रकारको गलत प्रयोग० गरीएको रहेछ नि त्यो चाहि लोकतन्त्रको लागि गम्भिर छ। डर लाग्दो छ। जय र पराजय सामान्य प्रक्रिया हुन। मैले अत्यन्तै सहज रूपमा लिएको छु। मेरो पक्षमा हजारौ मतदाताले आफ्नो अभिमत दिनु भएको छ, यसप्रति म सधै ऋणी हुनेछु। यो निर्वाचनमा सहभागी सबै मतदाता, सबै तहका निर्वाचन परिचालन संयन्त्रका सदस्यहरू। गठबन्धन दलका नेतृत्वगण र नेता कार्यकर्ता साथिहरू, निर्वाचन सम्पन्न गर्न सहभागी सबै सुरक्षाकर्मी, कर्मचारी मित्रहरू,संवयम सेबक र पत्रकार साथिहरू मेरा समर्थक, शुभेच्छुक सबैलाई हार्दिक धन्यवाद दिन चाहान्छु।
साथै यो निर्वाचनमा विजयी मेरो आदारयिण दाजु अग्रज गोकर्ण विष्टलाई हार्दिक बधाई र सफल कार्यकालको शुभकामना। गुल्मी जिल्लाको समग्र विकाश र समृद्धीको यात्रामा म सधै साथमा रहनेछु।