स्पेन र जर्मनीसहित विश्वकपमा आज चार खेल हुँदै

मंसिर, ११ । कतारमा जारी फिफा विश्वकपअन्तर्गत आइतबार समूह ई र समूह एफका चार खेल हुँदैछन् । दिउँसो पौने ४ बजेदेखि सुरु हुने दिनको पहिलो खेल समूह ई मा रहेका जापान र कोस्टारिकाबीच हुनेछ । यो खेल अहमद विन अली रंगशालामा हुनेछ ।
समूह एफ अन्तर्गत बेल्जियम र मोरक्को आज साँझ पौने ७ बजे आमने सामने हुनेछन् । राती पौने १० बजे समूह एफकै क्यानडा र क्रोएसियाले खेल्नेछन् ।

दुवै टोली जारी विश्वकपमा पहिलो जितका लागि प्रयासरत रहनेछन् । जारी विश्वकपको समूह चरणको बहुप्रतीक्षित खेल आज राती पौने १ बजे हुनेछ । अल खोरस्थित अल बायेट रंगशालामा पूर्व च्याम्पियनहरु स्पेन र जर्मनी आमनेसामने हुँदा जर्मनी गर या मरको स्थितिमा छ ।