पाकिस्तानमा मस्जिदमा भएको बम विस्फोटमा २८ जनाको मृत्यु, सयौँ घाइते

माघ, १६ । पाकिस्तानको पेशावरमा एउटा मस्जिद भित्र भएको बम विस्फोटमा परि कम्तिमा पनि २८ जनाको मृत्यु भएको छ । घटनामा अन्य १५० जना भन्दा धेरै घाइते भएका छन् ।
उद्धारको काम जारी रहेकाले मृतक र घाइतेको संख्या अझै बढ्न सक्ने पाकिस्तानका अधिकारीहरुले बताएका छन् । मानिसहरु नमाज पढ्नका लागि भेला भएको बेला विस्फोट भएको हो ।

पेशावरको पुलिस लाइनमा रहेको मस्जिदमा विस्फोटको बेला ३०० देखि ४०० जना प्रहरीहरु नै उपस्थित रहेका पाकिस्तानी सञ्चार माध्यमले जनाएका छन् ।