आगोलागि पिडित काँसीरामको परिवारलाई २ लाख बढि आर्थिक सहयोग

जेठ, ३ । सोलुखुम्बुको नेचा सल्यान गाउँपालिका वडा नम्बर ३ निवुवाबोटेका आगोलागि पिडित काँसीराम कटेलको परिवारलाई आर्थिक सहयोग जुटेको छ ।

स्थानीय युवा समाजसेवी बाबुराम आचार्यको समन्वयमा आगोलागि पिडित कटेलको परिवारलाई दुई लाख १० हजार ६ सय रुपैँया आर्थिक सहयोग जुटेको हो । समाजसेवी आचार्यले पिडित परिवारका लागि आर्थिक सहयोग गरिदिन सामाजिक सञ्जाल मार्फत सवैमा अपिल गरेका थिए ।

सोलुखुम्बुको नेचामा जन्मिएर हाँस्य कलाकारमा ख्याति कमाईसमेका हाँस्य कलाकार हरि निरौला कक्रोज र कुमार कटेल जिक्रिले समेत आगोलागि पिडित परिवारका लागि सहयोग गरेका छन् । देश विदेशमा रहेका व्यक्तिहरुबाट उठेको सहयोग रकम आज पिडित परिवारलाई हस्तान्तरण गरिएको समाजसेवी आचार्यले बताए ।

काँसीरामको घरमा विद्युत सर्ट भएर आगोलागि भएको थियो भने २५ लाख बराबरको क्षति भएको प्रहरीको प्रारम्भिक अनुमान छ । आगोलागिबाट कटेल परिवारको घरभित्र रहेको सवै समान जलेर पूर्ण रुपमा नस्ट भएको थियो । गोठमा भएको भैँसी समेत जलेको थियो ।

सहयोगी दाताहरुको नामावली :