एसइईको पूरक परीक्षा आउँदो साउन २६ र २७ गते हुने

असार, २३ । माध्यमिक शिक्षा परीक्षा एसइईको पूरक ग्रेडवृद्धि परीक्षा आगामी साउन २६ र २७ मा हुने भएको छ । राष्ट्रिय परीक्षा बोर्ड परीक्षा नियन्त्रण कार्यालयले एक सूचना प्रकाशित गरी पूरक परीक्षा साउनमा हुने जनाएको छ ।
अन्तिम ग्रेड ‘सी’ वा ‘सी’भन्दा कम प्राप्त गरेका विद्यार्थीले पूरक परीक्षा दिन पाउने छन् भने बढीमा दुई विषयसम्म अनुपस्थित रहेका परीक्षार्थीले पनि पूरक परीक्षा दिन पाउने बोर्डले जनाएको छ । ग्रेडवृद्धिका लागि साउन २१ गतेभित्र फारम भरिसक्नुपर्नेछ ।

परीक्षा रद्द भएका परीक्षार्थीले भने पूरक परीक्षा दिन पाउने छैनन् ।