एसीसी इमर्जिङ टिम्स कपमा नेपाल पराजित

असार, २९ । एसीसी इमर्जिङ टिम्स कपको पहिलो खेलमा पाकिस्तानसँग नेपाल पराजित भएको छ । श्रीलंकाको कोलम्बोस्थित कोलम्बो क्रिकट क्लब ग्राउण्डमा चलिरहेको इमर्जिङ टिम्स कपमा नेपाल आफ्नो पहिलो खेलमा पाकिस्तानसँग ४ विकेटले पराजित भएको हो । जितका लागि पाएको १८० रनको लक्ष्य पाकिस्तानले ३२.५ ओभरमा ६ विकेट गुमाएर भेटायो ।

टस जितेर पहिले ब्याटिङ गरेको नेपालले सोमपाल कामीले संयमित ब्याटिङ गर्दै अर्धशतक प्रहार गरेपछि ३७ ओभरमा सबै विकेट गुमाएर १७९ रन बनाएको थियो । सुरुवाती १० ओभरभित्रै ६ विकेट गुमाएको नेपालले त्यसपछि १६ ओभरभित्र ८ विकेट गुमाइसकेको थियो ।

नेपाललाई अलआउट गर्न पाकिस्तान ए का लागि दहानीले १० ओभरमा ३ मेडन राख्दै ३८ रन खर्चेर ५ विकेट लिए । यस्तै मोहमद वासिम जुनियरले १० ओभरमा १ मेडन राख्दै ५१ रन खर्चेर ४ विकेट लिए । मुबासिर खानले १ विकेट लिए ।