काभ्रेमा पाँचौँ बेथानचोक अध्यक्ष कप शुरु

असोज, २८ । काभ्रेपलाञ्चोकको बेथानचोकमा सेभेन ए साइड पाँचौँ बेथानचोक अध्यक्ष कप वडास्तरीय फुटबल प्रतियोगिता सुरु भएको छ । बेथानचोक गाउँपालिका र भूमिमाता युवा क्लबको आयोजनामा बेथाचोक अध्यक्ष कप वडास्तरीय फुटबल प्रतियोगिता २०८० शुरु भएको हो ।

वडा नं ४ को तिप्चोक खेल मैदानमा हुने प्रतियोगिताको उद्घाटन गाउँपालिका अध्यक्ष भगवान अधिकारीले एक कार्यक्रमबीच उद्घाटन गरेका छन् । प्रतियोगिताको उद्घाटन गर्दै अध्यक्ष अधिकारीले खेलकुदको विकास र वडा स्तरबाटै खेलप्रतिको रूचि बढाउन गाउँपालिकाले खेलकुदमा लगानी गरेको बताए ।
गाउँपालिका खेलकुद शाखा प्रमुख सिताराम तिमल्सिनाले खेलकुदको विकासका लागि पूर्वाधार निर्माणमा विभिन्न गतिविधि गर्दै आइरहेको छबताए ।

फुटबल प्रतियोगितामा १६ टिम सहभागी छन् । सो प्रतियोगिता कार्तिक ३ गतेसम्म चल्ने आयोजक भूमिमाता युवा क्लबका अध्यक्ष माइते तामाङले बताए । उनका अनुसार विजेता टिमले ६० हजार नगद, ट्रफि, मेडल र प्रमाणपत्र पाउने छ । यस्तै उपविजेता टिमले ३० हजार नगद, ट्रफि, मेडल र प्रमाणपत्र पाउने अध्यक्ष तामाङले जानकारी दिए । यस्तै बेष्ट प्लेयर, हाइ स्कोरर, बेष्ट डिफेण्डर तथा म्यान अफ दि सिरिजलाई पनि नगदद्वारा पुरस्कृत गरिने जानकारी दिए ।

प्रतियोगिता अन्तर्गत उद्घाटन खेलमा वडा नं ४ का सदस्य कर्ण तामाङले एन्फा रेफ्रीद्वय राम श्रेष्ठ र जयज नरसिंह श्रेष्ठलाई बल हस्तान्तरण गरेका थिए ।