गोली चलाएरै प्रहरीले यसरी पक्राउ गर्यो अविनाशलाई

मंसीर, २६ । मंगलबार दिउँसो ललितपुरको झम्सीखेलमा गोली चल्यो । साढे १ बजे चलेको गोलीबाट झम्सीखेल केहीबेर आतंकित बन्यो । प्रहरीको वान्टेड सुचीमा रहेका अविनाश राईलाई पक्राउ गर्न प्रहरीले गोली चलाएको हो । प्रहरीले रार्ईको दाहिने तिघ्रामा गोली हानेर घाइते बनाई नियन्त्रणमा लिएको छ ।
गोप्य सुचनाका आधारमा अविनाशलाई पक्राउ गर्न काठमाडौँ उपत्यका अपराध अनुसन्धान कार्यालयका एसएसपी सौमेन्द्रसिंह राठौरसहितको प्रहरी टोली झम्सीखेलमा खटिएको थियो । अविनासको साथमा पनि कटुवा पेस्तोल रहेको सुचना भएकाले नियन्त्रणमा लिन प्रहरीलाई त्यत्ति सहज थिएन । उनले प्रहरीलाई नै हतियार प्रयोग गर्न सक्ने आंकलनसहित झम्सीखेल एरियामा प्रहरी पुग्यो । करिव एक बजे अविनाश प्रहरीको घेरामा परिसकेका थिए । त्यसपछि अविनाशले प्रहरीलाई नै हतियार तेस्र्याउन खोजेपछि प्रहरीले गोली चलायो । प्रहरीले उनको घुँडामुनी ताकेको थियो । तर छल्न खाजेपछि तिघ्रामा लाग्यो । त्यही ढले । रगतपिच्छे भएर ढलेका अविनाश ठूलो स्वरमा चिच्याए । प्रहरीले दोस्रो गोली खर्चिन परेन । र घाइते अविनासलाई मुर्छित अवस्तामै भ्यानमा राखेर ट्रमा सेन्टर ल्याइयो । र अहिले राष्ट्रिय ट्रमा सेन्टरको इमरजेन्सीमा उपचार भइरहेको छ ।
अविनाश राईको घर उदयपुरको लेखानी हो । उनी लामो समयदेखि लागुऔषध कारोवार तथा गुण्डागर्दीमा सक्रिय थिए । केही समयपहिले देखि उनलाई काठमाडौँ उपत्यका अपराध अनुसन्धान कार्यालयले निगरानीमा राखेको थियो । र काठमाडौँ आएको मौका पारी नियन्त्रणमा लिन खाज्दा यो दुर्घटना भएको हो । उनको साथबाट लागुऔषध पपनि बरामद भएको छ । राईको साथबाट आधा किलो आइस ड्रग बरामद भएको प्रहरीले जनाएको छ । पक्राउ परेका राईमाथि आवश्यक छानिबन भइरहेको पनि एसपी रविन्द्र रेग्मीले जानकारी दिएका छन् ।