छठ पर्व मनाउन काठमाण्डौका ८ स्थानमा छठघाट

कार्तिक, २१ । काठमाडौंका विभिन्न आठ स्थानमा छठघाट निर्माण गरिएको छ । छठ पर्व मनाउनका लागि काठमाण्डौ महानगरपालिकाले ८ वटा ठाउँमा छठघाट बनाएको हो । काठमाडौं महानगरपालिकाका अनुसार वडा नम्बर १ को कमलपोखरी, वडा नम्बर ८ को गौरीघाट, वडानम्बर ११ को वंशीघाट, वडा नम्बर १३ को धौखेल खोला, वडा नम्बर १४ को कुमारी क्लब र भुवनेश्वरी मन्दिर, वडा नम्बर १६ को बालाजु बाइसधारा र वडा नम्बर ३२ को कोटेश्वर दोभानमा छठघाट निर्माण गरिएको छ । यी स्थानमा सरसफाइ, रंगरोगन, सजावट र सुरक्षा प्रबन्ध लगायतको व्यवस्था मिलाइएको छ ।