सामाजिक सञ्जालमा जथाभावि बोल्नेलाई गृहले कारबाही गर्ने

मंसीर, १४ । सरकारले सामाजिक सञ्जालमार्फत सामाजिक सद्‌भाव र सार्वजनिक शान्ति नै खलबलिने अभिव्यक्ति आइरहेको उल्लेख गर्दै त्यसमा संलग्न व्यक्तिलाई कारबाही गर्ने चेतावनी दिएको छ। मन्त्रालयका सहसचिव, प्रवक्ता ऋषिराम तिवारीको हस्ताक्षरमा जारी विज्ञप्तिमा भनिएको छ, ‘जो कोही व्यक्तिले जहाँसुकै रहेर गरे गराए पनि कानुनद्वारा बर्जित र दण्डनीय त्यस्ता गतिविधिलाई कानुनी दायरामा ल्याइने भएकाले त्यस्तो कार्य नगर्न/नगराउनु हुन सम्बन्धित सबैमा सादर अनुरोध छ।’