आज सुन–चाँदीको मूल्य घट्यो, तोलामा कति पुग्यो ?

काठमाण्डौ, साउन २२ । नेपाली बजारमा आज सुन–चाँदीको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य प्रतितोला ५०० र चाँदीको मूल्य प्रतितोला १५ रुपैयाँले घटेको हो ।

आज छापावाल सुनको मूल्य प्रतितोला ९६ हजार ३०० र तेजाबी सुनको मूल्य प्रतितोला ९५ हजार ८०० रुपैयाँ छ । गत साताको शुक्रबार छापावाल सुनको मूल्य प्रतितोला ९८ हजार ८०० र तेजाबी सुनको मूल्य ९६ हजार ३०० रुपैयाँ थियो ।
यसैगरी, आज चाँदीको मुल्य पनि घटेको छ । चाँदीको मूल्य प्रतितोला १५ रुपैयाँले घटेर १ हजार २०५ रुपैयाँमा कारोबार भईरहेको छ ।