भोइस अफ नेपालका फाइनलिस्ट कुमारलाई थुलुङदुधकोशीद्धारा ७ लाख प्रदान

सोलुखुम्बु, पुष, २५ । भोइस अफ नेपालका फाइनलिस्ट कुमार प्रयास राईलाई सोलुखुम्बुको थुलुङदुधकोशी गाउँपालिकाले ७ लाख ७७ हजार ७ सय ७७ रुपैयाँ आर्थिक सहयोग गरेको छ । आज गाउँपालिकाको केन्द्र मुक्लीमा आयोजित पाँचौँ अध्यक्ष रनिङशिल्ड प्रतियोगिता तथा बृहत सांगेतिक कार्यक्रमको अवसरमा भोइस अफ नेपाल सिजन ५ का उच्च ४ अन्तिम प्रतिस्पर्धी कुमार लाई गाउँपालिकाले आर्थिक सहयोग गरेको हो ।

भोटीङका लागि गाउँपालिकाले निर्णय नै गरेर सहयोग उपलब्ध गराइएको अध्यक्ष असिम राईले जानकारी दिएका छन् । कुमारलाई उक्त कार्यक्रममा ७ लाख ७७ हजार ७ सय ७७ रुपैयाँको चेक हस्तान्तरण गरिएको छ । चेक हस्तान्तरण गर्दै अध्यक्ष असिम राईले कुमार प्रयास यस गाउँपालिकाको गहना भएको बताए । र विजयी गराउन भोट गरि सहयोग गर्न सबैमा अपिल गरेका छन् ।

कोच उदय सोताङको टिमबाट फाइनलमा प्रवेश गरेका कुमार थुलुङदुधकोशी गाउँपालिकाकै ९ नम्बर वडाका बासिनदा हुन् । आजै साँझ मुक्लीमा गायक उदय सोताङ, मनिला सोताङ, कुमार प्रयास लगायत कलाकारहरुको सांगितिक प्रस्तुती रहनेछ ।