पश्चिमी वायुको प्रभावले चिसो बढ्यो, तराईमा हुस्सु, हल्का वर्षाको संभावना

मंसीर, २७ । हाल नेपालमा पश्चिमी वायुको प्रभाव रहेको छ। देशका पहाडी भूभागमा आंशिक देखि सामान्य बदली रही बाँकी भूभागमा आंशिक बदली देखि मौसम सामान्यतया सफा रहेको छ। तराईका थोरै स्थानहरूमा हुस्सु तथा कुहिरो लागेको छ । आज दिउँसो कोशी, बागमती र गण्डकी प्रदेशका पहाडी भागमा आंशिक देखि सामान्य बदली तथा बाँकी पहाडी भागमा आंशिक बदली रही तराईका ठाउँहरुमा मौसम सामान्यतया सफा रहनेछ। कोशी, बागमती र गण्डकी प्रदेशका पहाडी भागका एक(दुई स्थानमा हल्का वर्षाको सम्भावना रहेको छ। कोशी, बागमती, गण्डकी र कर्णाली प्रदेशका उच्च पहाडी तथा हिमाली भागका एक दुई स्थानमा हल्का हिमपातको सम्भावना रहेको छ। वर्षा, हिमपात तथा चिसोबाट हुन सक्ने असरबाट बच्न सतर्कता अपनाउन मौसम पूर्वानुमान महाशाखाले अनुरोध गरेको छ ।
भोली कोशी प्रदेश लगायत देशका पहाडी भागमा आंशिक बदली रही बाँकी ठाउँको मौसम सामान्यतया सफा रहनेछ।