प्रहरीलाई गृहमन्त्री रबिको निर्देशन : अपराधीलाई कारवाही गर्न कसैको आदेश कुर्नु पर्दैन

फागुन, २९ । गृहमन्त्री रबि लामिछानेले अपराधिलाई कारबाही गर्न कसैको आदेश नकुर्न प्रहरीलाई निर्देशन दिएका छन् । आज सामाजिक सञ्जाल फेसबुक मार्फत गृहमन्त्री लामिछानेले लेखेका छन्,  ‘कारवाही गर्न मेरो वा कसैको आदेश कुर्नु पर्दैन।’

उनले फेसबुकमा लेखेको स्टाटस यस्तो छ
देश भरका सम्पुर्ण राष्ट्रसेवक प्रहरीहरु लाई मेरो अपिल :
देशको कुनै पनि भागमा कुनैपनि ब्यक्ति वा समुहले गैरकानुनी काम गरेको छ, गैरकानुनी धन्दा चलाएको छ,कर छली गरेको छ, गुण्डागर्दी, धाक धम्की, तस्करी लगायतका अपराध गरेको छ भने त्यसलाई कारवाही गर्न मेरो वा कसैको आदेश कुर्नु पर्दैन। ऐन पल्टाउनुस् र देखाइदिनुस् कानुनी राज्य भनेको के हो। तपाईंले मलाई होइन मैले तपाईलाई सलाम गर्ने गरि काम गर्नुहोस् । मेरो शुभकामना छ। जय नेपाल ( पार्टी वाला होइन, देश वाला)