माओवादी केन्द्रको स्थायी समिति बैठक बस्दै, पदाधिकारीको टुंगो लगाइने

भदौ, ४ । नेकपा माओवादी केन्द्रको स्थायी समिति बैठक आज पनि बस्दै छ ।

दिउँसो १ बजे पार्टी केन्द्रीय कार्यालय पेरिसडाँडामा बस्ने बैठकले पदाधिकारीलाई पूर्णता दिने एक नेताले बताए । हिजोको बैठकले पदाधिकारीको टुंगो लगाउन नसकेपछि बैठक आजका लागि बोलाइएको हो । हिजोको बैठक विनानिष्कर्ष टुंगिएको थियो ।

अध्यक्ष पुष्पकमल दाहाल प्रचण्ड, वरिष्ठ उपाध्यक्ष नारायणकाजी श्रेष्ठ र उपाध्यक्ष कृष्णबहादुर महराबाहेक माओवादीमा अरु पदाधिकारी चयन हुन सकेको छैन ।

महाधिवेशन भएको लामो समयसम्म माओवादीले पदाधिकारीलाई पूर्णता दिन नसकेको हो ।

शुक्रबारको बैठकमा अध्यक्ष प्रचण्डले २१ पदाधिकारी र ७ उपमहासचिव हुने प्रस्ताव पेस गरेका थिए ।