आचारसंहिताबारे निर्वाचन आयोगले दलहरूसँग छलफल गर्दै

भदौ, ६ । निर्वाचन आयोगले आगामी मंसीर ४ को निर्वाचनको तयारी र आचारसंहिताबारे छलफल गर्न राजनीतिक दलहरूलाई बोलाएको छ । त्यसका लागि आयोगले प्रतिनिधिसभा र प्रदेशसभामा प्रतिनिधित्व गर्ने सबै राजनीतिक दलका प्रतिनिधिलाई बोलाएको हो ।
प्रतिनिधि सभा र प्रदेश सभामा प्रतिनिधित्व गर्ने १२ वटा दलसँग आयोगले अहिले छलफल गरिरहेको छ । आयोगले पालिका चुनावको बेला आचारसंहिता कार्यान्वयनको अवस्थाको मूल्याङ्कन गर्दै दलहरूको सुझावको आधारमा आचारसंहिता बनाउने तयारी गरेको छ ।