आज शेयर बजार घट्यो

भदौ, २१ । आज सेयर बजार परिसूचक नेप्से २१.२२ अंकले घटेको छ । यससँगै नेप्से परिसूचक १९ सय ५१.७९ को बिन्दुमा झरेको छ । २२७ कम्पनीका ३२ लाख ९ हजार ९८३ कित्ता सेयर खरिद बिक्री हुँदा एक अर्ब १९ करोडको कारोबार भयो ।
मंगलबार हिमालयन एभरेष्ट इन्स्योरेन्स, रिडी जलविद्युत् र सानिमामाई हाइड्रोको सेयर धेरै खरिद बिक्री हुने स्टक बन्यो । कारोबारमा आएका १३ उपसमूहमध्ये म्युचुअल फन्डबाहेक सबै उपसमूह राताम्य रह्यो ।