महानगरले फेरि चलायो डोजर, थापाथलीमा अनधिकृत संरचना हटाईँदै

असोज, २८ । काठमाडौं महानगरपालिकाले थापाथली क्षेत्रमा बनेका अनधिकृत संरचना हटाउन थालेको छ । महानगरले थापाथलीदेखि यूएन पार्कको पुल आउने क्षेत्र (सुकुम्बासी बस्ती नजिकै) निर्माण भएका अनधिकृत संरचना हटाउन थालेको हो ।
अधिकार सम्पन्न बागमती सभ्यता एकीकृत विकास समितिसँगको समन्वयमा सो क्षेत्रमा निर्माण भएको क्रियापुत्री भवन, ओम शान्तिको भवन, रुद्रेश्वर मन्दिरको पुजारी भवन लगायतका संरचनाहरु अनधिकृत भएकोले हटाइरहेको महानगरले जनाएको छ ।