संसदीय दलको नेतामा गगन र देउवाले उम्मेदवारी दर्ता गराए

५ पुस । नेपाली कांग्रेसको संसदीय दलको नेतामा सभापति शेरबहादुर देउवा र महामन्त्री गगन थापाले उम्मेदवारी दर्ता गराएका छन् ।

महामन्त्री थापाको उम्मेदवारीमा प्रस्तावक डा. शेखर कोइराला छन् भने समर्थकमा उपसभापति धनराज गुरुङ, महामन्त्री विश्वप्रकाश शर्मा र केन्द्रीय सदस्य प्रदीप पौडेल रहेका छन् । यस्तै, संस्थापन पक्षबाट सभापति शेरबहादुर देउवाको समर्थकमा वरिष्ठ नेता रामचन्द्र पौडेल छन् ।
कांग्रेस संसदीय दलको नेता चयनका लागि बुधबार मतदान हुनेछ ।