हाम्रो पार्टी विस्तार हुँदा कतिपयको नीद हराम भएको छ : माधव

काठमाडौँ । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले आफ्नो पार्टी बिस्तार हुँदै गएकोमा नेकपा एमाले आतङ्कित बनेको बताएका छन् । शनिबार काठमाडौँमा आयोजित पार्टी स्थापना दिवसको अवसरमा एक कार्यक्रममा बोल्दै अध्यक्ष नेपालले एकीकृत समाजवादीले राजनीतिमा आफ्नो औचित्यलाई पुष्टि गरेको दाबी गरेका हुन् ।

उनले नेकपा एमालेप्रति इङ्गित गर्दै आफ्नो पार्टीको उपस्थिति राष्ट्रिय गठबन्धन, समाजवादी मोर्चा लगायत जुन कुनै स्थानमा अनिवार्य, अपरिहार्य बनिरहेको हुनाले कतिपयको नीद हराम भएको भन्दै टिप्पणी गरे । उनले आफूहरू विध्वंसक नभएकाले आतङ्कित नहुन आग्रहसमेत गरे ।