गभर्नर अधिकारीको राजीनामा माग गर्दै माइतीघरमा प्रदर्शन

काठमाडौँ, साउन ५ । नेपाल राष्ट्र बैंकका गभर्नर महाप्रसाद अधिकारीको राजीनामा माग गर्दै माइतीघरमा प्रदर्शन गरिएको छ । नेपाल विद्यार्थी संघ, माओवादी समर्थित अखिल क्रान्तिकारी र नेकपा एस समर्थित अनेरास्ववियूका विद्यार्थीहरुले आज संयुक्त रूपमा विरोध प्रदर्शन गर्दै राजीनामा माग गरेका हुन् । नेकपा एमालेको अर्थ तथा वाणिज्य विभागमा सदस्य रहेका एम अधिकारी र गभर्नर अधिकारी एकै व्यक्ति भएको भन्दै उनीहरूले राजीनामा मागेका हुन् । प्रदर्शनकारीहरूले गभर्नरको राजीनामा वा बर्खास्तीको माग राख्दै व्यंग्यचित्र समेत प्रदर्शन गरेका थिए ।