एसईईको नतिजा भोलि सार्वजनिक हुने

काठमाण्डौ, साउन १० । कक्षा १० को माध्यामिक शिक्षा परीक्षा (एसईई) को नतिजा भोली सार्वजनिक हुने भएको छ । राष्ट्रिय परीक्षा बोर्ड कक्षा १० को परीक्षा नियन्त्रण कार्यलयले अन्तिम तयारीमा रहेकाले भोली (बुधबार) सार्वजनिक गर्ने जनाएको हो ।
कोभिडका कारण दुई वर्षपछि कक्षा १० का विद्यार्थीले बोर्डले तयार पारेको प्रश्नपत्रको आधारमा भौतिक रुपमा परीक्षा केन्द्रमा नै उपस्थिति भएर परीक्षा दिएका छन् ।
शैक्षिक सत्र २०७६ र २०७७ मा आन्तरिक मूल्याङ्कनबाट नतिजा सार्वजनिक गरेको बोर्डले शैक्षिक २०७८ को परीक्षा वैशाख ९ गतेदेखि २० गतेसम्म सञ्चालन गरेको थियो ।
परीक्षामा चार लाख १४ हजार विद्यार्थी सहभागी भएको बोर्डले जनाएको छ ।