एकैदिन ६ सय ६० जनामा कोरोना संक्रमण

काठमाण्डौ, साउन २१ । पछिल्लो २४ घण्टामा ६ सय ६० जनामा कोरोना संक्रमण पुष्टि भएको छ । चार हजार ६ सय ८२ जनाको नमूना परीक्षण गर्दा ६ सय ६० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै नेपालमा पाँच हजार ६ सय ४१ जना कोरोना भाइरसका सक्रिय संक्रमित रहेका छन् ।
पछिल्लो २४ घण्टामा कोरोना भाइरसको संक्रमणका कारण एक जनाको ज्यान गएको छ । यस्तै, थप चार सय ४४ जना कोरोना संक्रमित निको भएका छन् ।