कोरोना संक्रमणको ग्राफ उकालो लाग्दै, एकैदिन ३ जनाको मृत्यु

साउन २५ । पछिल्लो समय कोरोना संक्रमितको संख्या दैनिक बढिरहेको छ । पछिल्लो २४ घण्टामा मात्रै देशभर थप ८६८ जनामा कारोना संक्रमण पुष्टि भएको छ । ३ हजार ६१४ पीसीआर परीक्षणमा ४९६ र ३ हजार ९१ एन्टिजेन परीक्षणमा ३७२ जनामा संक्रमण पुष्टि भएको हो ।
यस्तै सोही अवधिमा ३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यससँगै हालसम्म कोरोनाबाट ज्यान गुमाउनेको संख्या ११ हजार ९७७ पुगेको छ । यस्तै पछिल्लो २४ घण्टामा ४१४ निको भएका छन् । नेपालमा हाल ५ हजार ८८५ सक्रिय संक्रमित रहेका छन् ।