नागरिकता विधेयक राष्ट्रिय सभाबाट हुबहु पारित

भदौ १७ । नागरिकता विधेयक राष्ट्रिय सभाबाट पनि हुबहु पारित भएको छ ।
आज बसेको राट्रियसभाको बैठकबाट राष्ट्रपतिबाट पुनर्विचारका लागि १५ बुँदे सन्देशसहित फिर्ता भएको नागरिकता ऐन संशोधन गर्न बनेको विधेयक राष्ट्रिय सभाबाट पनि हुबहु पारित भएको हो । राष्ट्रपतिबाट फिर्ता भएको विधेयक २ भदौमा प्रतिनिधिसभाबाट हुबहु पारित भएर राष्ट्रिय सभामा आएको थियो ।
यसअघि पहिलो पटक प्राप्त नागरिकता ऐन संशोधन विधेयक राष्ट्रपति विद्यादेवि भण्डारीले प्रमाणीकरण नगरी पुनर्बिचारका लागि प्रतिनिधिसभामा नै फिर्ता पठाएकी थिइन् ।
अब यो विधेयक फेरि प्रतिनिधिसभामा जान्छ । राष्ट्रिय सभाले विधेयक पारित गरेको संदेश प्रतिनिधिसभामा सुनाएपछि सभामुखबाट प्रमाणित हुँदै फेरि प्रमाणीकरणका लागि राष्ट्रपतिकहाँ पुग्छ ।