धादिङ २ ‘क’ प्रदेशमा काँग्रेसबाट सरोज अधिकारी सिफारिस

भदौ, १८ । नेपाली कांग्रेस धादिङ प्रदेश क्षेत्र नम्बर २ ‘क’ ले सरोज अधिकारीलाई प्रदेश सांसदको उम्मेदवारका लागि सिफारिस गरेको छ । महाधिवेशन प्रतिनिधि समेत रहेका अधिकारीलाई प्रदेश समिति र त्यस क्षेत्रका महाधिवेशन प्रतिनिधहरूको बैठकले प्रदेश २ ‘क’ मा प्रत्यक्ष निर्वाचन लड्न सिफारिस गरेको हो ।
लामो समय पत्रकारीतामा रहेका अधिकारी पछिल्लो समय जिल्लाको विकास निर्माणको काममा क्रियाशील छन् । २०५७ सालमा नेपाल विधार्थी संघ नीलकण्ठ स्कुलको अध्यक्ष हुँदै राजनीति सुरू गरेका अधिकारी नेपाल प्रेस युनियनको पुर्व केन्द्रीय कोषाध्यक्ष हुन् । अधिकारीले कांग्रेस पार्टीको केन्द्रीय प्रचार समितिहरूमा रही काम गरिसकेका छन् ।