थुलुङ दुधकोशीमा सडक कालोपत्रेका लागि बहुबर्षिय योजना स्वीकृत

भदौ, २१ । सोलुखुम्बुको थुलुङ दुधकोशी गाउँपालिकामा सडक कालोपत्रे गर्नका लागि बहुबर्षिय योजना स्वीकृत भएको छ ।
नेले, चारघरे, पालिका केन्द्र, बैंक हुदैँ दुधकोशी सामुदायिक अस्पतालसम्म १२.५ किलोमिटर सडक कालोपत्रे हुने गरि प्रदेशबाट बहुबर्षिय योजना स्विकृत भएको गाउँपालिका अध्यक्ष असिम राईले जानकारी दिए ।
योजना स्वीकृत भएसँगै अब नेलेदेखि दुधकोशी सामुदायिक अस्पतालसम्मको सडक कालोपत्रे हुने भएको छ ।
आगामी ५ बर्ष भित्र काम सक्ने गरि कालोपत्रेका लागि प्रदेशले बहुबर्षिय योजना अन्तरगत ६१ करोड बजेट स्विकृत गरेको छ ।