चलचित्र संघले देशभरका फिल्म हल बन्द गर्ने, यस कारण गरिदैछ बन्द

भदौ, २३ । नेपाल चलचित्र संघले देशभरका सिनेमा हल बन्द गर्ने निर्णय गरेको छ । आज बसेको संघको कार्यसमिति बैठकले आउँदो भदौ २७ गते देशभरका सिनेमा हल बन्द गर्ने निर्णय गरेको महासचिव नरेन्द्र महर्जनले विज्ञप्ती मार्फत जानकारी दिए । चलचित्र निर्माता संघले शुक्रबार मात्रै फिल्म प्रदर्शन गर्ने निर्णय गरेपछि चलचित्र संघले यस्तो निर्णय गरेको हो ।
जारी विज्ञप्तिमा संस्थाका सदस्यहरुको मानमर्दन हुने गरी अनर्गल आरोप लगाएकोप्रति सांकेतिक विरोधको कार्यक्रम घोषणा भएको जनाएको छ । सोही कुराको विरोध गर्न भदौ २७ गते सोमबार हल बन्द गर्ने निर्णय भएको उल्लेख छ । कार्यसमिति बैठकले चरणबद्ध आन्दोलनका कार्यक्रम पनि घोषणा गरेको छ ।