जनकपुरधाममा ओलीलाई २०५ किलोको मालाले स्वागत

भदौ, २६ । नेकपा एमालेका अध्यक्ष केपी शर्मा ओलीलाई जनकपुरधाममा २०५ किलोको माला लगाएर स्वागत गरिएको छ ।
तिरहुतिया गाछीमा एमाले जिल्ला कमिटीले आयोजना गरेको जनसभा एवं पार्टी प्रवेश कार्यक्रममा नेताहरुले ओलीलाई स्वागत गरेका हुन् । त्यस क्रममा विभिन्न पार्टी परित्याग गरी झन्डै ६ हजार व्यक्ति एमाले प्रवेश गरेको नेताहरूको दावी छ ।
जसपाका मधेस प्रदेससभा सदस्य अंजु कुमारी यादव, नेकपा एसका नेता तथा संविधानसभा सदस्य एवं पूर्वराज्यमन्त्री अरबिन्द साह, कांग्रेस धनुषाका पूर्व उपसभापति सन्तोष यादव लगायतका दर्जनौं नेताहरूलाई एमाले अध्यक्ष ओलीले पार्टीमा स्वागत गरेका छन् ।