सभामुख सापकोटा र चिनियाँ राजदूत यान्छीबीच बिदाइ भेट

असोज, २२ । सभामुख अग्निप्रसाद सापकोटासँग नेपालका लागि चिनियाँ राजदूत होउ यान्छीले बिदाइ भेट गरेकी छन् ।
राजदूत यान्छीले आज विहान सभामुख सापकोटाको सरकारी निवास लैनचौरमा बिदाइ भेट गरेकी सभामुखको सचिवालयले जनाएको छ । भेटमा सभामुख सापकोटाले राजदूत होउको कार्यकालमा चीनबाट महत्वपूर्ण भ्रमणहरु भएको स्मरण गर्दै सफल रुपमा कार्यकाल सम्पन्न गर्नु भएकोमा दिएका छन् ।
सभामुख सापकोटाले राजदूत होउलाई नयाँ जिम्मेवारीको सफलताको शुभकामना व्यक्त गरे । बिदाइ भेटमा राजदूत होउ यान्छीले आफ्नो कार्यकालमा संघीय संसदबाट भएको सहयोगका लागि आभार व्यक्त गरेकी छन् ।