सिन्धुपाल्चोक १ मा सुबोधले सरेशसँग मतान्तर बढाउँदै

मंसीर, ७ । सिन्धुपाल्चोक क्षेत्र नम्बर १ मा प्रतिनिधि सभाका लागि बाम लोकतान्त्रिक गठबन्धनका साझा उम्मेदवार माधव सापकोटा सुबोधले नेकपा एमालेका नेता सरेश नेपालसँग मतान्तर बढाउँदै लगेका छन् ।

सिन्धुपाल्चोक क्षेत्र नम्बर १ को भोटेकोशी , बाह्रबिसे , त्रीपुरासुन्दरी, लिसंखु पाखर, सुनकोशी गाउँपालिका र बलेफी गाउँपालिकाको वडा नम्बर १,२, ३ र ४ गणना गर्दा सुबोध अगाडी छन् ।

सिन्धुपाल्चोक १ मा कुल ४९ हजार ३ सय ११ मत गन्दा सुबोधले २० हजार ४ सय ३३ मत ल्याएका छन् । उनी अहिले सरेश भन्दा ७ सय ९० मतले अगाडी छन् । सरेशले १९ हजार ६ सय ४३ मत ल्याएर पछ्याइरहेका छन् ।

बलेफि गाउँपालिका र चौतारा साँगाचोकगढी नगरपालिका माओवादीको बलियो पक्कड रहेको भेग हो । मतगणना सकिएका स्थानहरु काङ्ग्रेस र एमालेको प्रभाव रहेको ठाउँ हो । ती स्थानहरूमा गठवन्धनमा रहेको काङ्ग्रेसबाट अपेक्षाकृत मत नखसेको स्वतन्त्र चर्चा छ । यद्यपि अब हुने मतगणनामा सुबोधले आफूलाई सहजै जितमा बदल्ने अनुमान गरिएको छ ।