बुनपा वडा नम्बर १२ ले दियो विदेश जानुपूर्व गर्नुपर्ने तयारीबारे तालिम

जेठ, २२ । काठमाण्डौको बुढानिलकण्ठ नगरपालिका वडा नम्बर १२ ले वैदेशिक रोजगार जानुपूर्व गर्नुपर्ने तयारीका विषयमा दुई दिने युवा लक्षित तालिम दिएको छ ।

दुर्गामन्दिर स्थित १२ नम्बर वडाको कार्यालयमा भएको तालिममा ५० भन्दा बढि युवायुवतीहरुको सहभागिता रहेको थियो । वडा कार्यालयको आयोजनामा भएको तालिमको संयोजन सामाजिक संस्था बाल सचेतना केन्द्रले गरेको हो । वैदेशिक रोजगारमा जाँदा कतिपय युवायुवतीहरु ठगिएको, विदेशमा अलपत्र परेको तथा असुरक्षित भएको विषयलाई मध्यनजर गर्दै तालिम दिईएको वडा अध्यक्ष शम्भुप्रसाद भट्टराईले बताए ।

हिजो र आज भएको तालिममा स्थानीय स्तरमा उपलब्ध हुने सेवा सुविधाबारे समेत तालिममा सहभागि हुनेहरुलाई प्रशिक्षण दिईएको छ ।