Tiktok got talent सिजन 6 को फाइनलमा पुगे १४ जना

साउन, ८ । Tiktok got talent सिजन 6 को फाइनलमा १४ जना पुगेका छन् । यस अडिसनमा ३ सय ५० भन्दा बढि प्रतिष्पर्धी सहभागि भएका थिए । अडिसन विभिन्न ५ विधामा गराइएको हो । टिकटक बाटै लुकेका प्रतिभाको खोजी गर्ने उद्धेश्यले सुरु गरिएको यस अडिसनमा संगित, नृत्य, गायन र साहित्य विधामा प्रतिष्पर्धीले सहभागिता जनाएका छन् ।

अडिसन अन्तर्गत अन्तर्राष्ट्रिय गित विधामा ४ जना छानिएका छन् । जसमा दिप्ती उप्रेती, कृष्टिना मोक्तान, सिद्धि साही र चन्द्रकला राई छानिएका छन् । त्यस्तै, आधुनिक गित विधामा देवि गुरुङ, गिता राई र विवेश मोथे छानिएका छन् भने नृत्यमा शिवदास गुरुङ, शशिकला तामाङ र अस्मिता रोमन छनौट भएका छन् ।

त्यस्तै, गंगा सिङतान, प्रेम मगर र रेमन साहित्य विधाबाट फाइनल पुगे भने म्युजिक विधाबाट विकेश लामा फाइनलमा पुगेका हुन् । यस अडिसनको निर्णायक भूमिकामा गायिका सर्मिला बर्देवा, गायक तथा संगितकार नारायण लामा, गायिका सुविला लामा, गायक अमृत कुमार, साहित्यकार सुशन विसर्जन रहनुभएको छ भने गेष्ट निर्णायकमा गायिका रमिला मगर रहनुभएको छ ।

Tiktok got talent को फाइनल अडिसन पनि छिट्टै हुने युनिटी इज पावरका चिफ एड्मीन अफिसर शान्ती दाहाल निहारिकाले बताइन् । 2023 may 26 मा सुरु भएको अडिसन हरेक हप्ताको शनिबार र आईतबार सञ्चालन हुदैँ आएको छ ।