कोरोना बढेपछि मेन्छ्यायेम गाउँपालिकाका विद्यालय ४ दिनका लागि बन्द

साउन २२ । कोरोना संक्रमण बढ्दै गएपछि तेह्रथुमको मेन्छ्यायेम गाउँपालिकाका विद्यालयहरु चार दिनका लागि बन्द गरिएको छ । गाउँपालिकाले आज एक सुचना जारी गर्दै भोलीदेखि ४ दिनसम्म पालिकाभित्रका सवै सामूदायिक तथा संस्थागत विद्यालय नखोल्न आग्रह गरेको हो ।
गाउँपालिकाले विद्यालय नखोलेपनि आन्तरिक प्रशासन भने सुचारु राख्न सकिने जनाएको छ । गाउँपालिकाले कोरोना संक्रमणका कारण शिक्षक तथा विद्यार्थीमा प्रतिकुल असर गरेकाले विद्यालय बन्द गर्नुपरेको बताएको छ ।