टिकटक बनाउँने क्रममा तालमा डुबेर एकको मृत्यु

काठमाण्डौ, साउन ११ । टिकटक बनाउने क्रममा चिप्लिएर तालमा पर्दा एक जनाको मृत्यु भएको छ । सल्यानको कुपिण्डे तालमा बेपत्ता भएका दाङको तुलसीपुर उपमहानगरपालिका–६ का ३७ वर्षीय बेद बहादुर बस्नेत मृत भेटिएका हुन् ।
मंगलबार दिउँसो उनी साथीहरुसँग तालको किनारमा टिकटक बनाइरहेको अवस्थामा चिप्लिएर तालमा खसेका थिए । उनको तालभित्र अन्दाजी ५० मिटर तल शव फेला परेको जिल्ला प्रहरी कार्यालय सल्यानले जनाएको छ ।