एकैदिन ८१४ जनामा कोरोना सङ्क्रमण पुष्टि, सक्रिय सङ्क्रमित ५ हजार नाघे

काठमाण्डौ, साउन १७ । देशभर थप ८ सय १४ जनामा कोरोनाभाइरसको सङ्क्रमण पुष्टि भएको छ । ५ हजार ४१५ जनाको परीक्षण गर्दा पीसीआर विधिबाट ५०९ तथा एन्टीजेन विधिबाट ३०५ जनामा सङ्क्रमण पुष्टि भएको हो । योसँगै देशभर सक्रिय सङ्क्रमितको सङ्ख्या ५ हजार १४४ पुगेको छ ।
यही अवधिमा थप २९९ जना सङ्क्रमणमुक्त पनि भएका स्वास्थ्य तथा जनसङ्ख्या मन्त्रालयले जनाएको छ । नेपालमा निको हुने दर भने ९८.३ प्रतिशत रहेको छ ।