साफ च्याम्पियनसिपमा आज नेपालले बंगलादेशको सामना गर्ने

काठमाण्डौ, साउन १७ । साफ यू–२० च्याम्पियनसिप फुटबल अन्तर्गत नेपालले आज लिग चरणको अन्तिम खेलमा बंगलादेशको सामना गर्दैछ । भुवनेश्वरस्थित कालिंगा स्टेडियममा नेपाल र बंगलादेशबीचको खेल हुनेछ । खेल नेपाली समय अनुसार दिउँसो ४ः१५ बजे सुरु हुनेछ ।
बंगलादेशविरुद्धको खेल नेपालका लागि निकै महत्वपूर्ण रहेको छ किनकि, नेपाललाई फाइनलमा पुग्न बंगलादेशविरुद्ध फराकिलो जित आवश्यक रहेको छ । आज बंगलादेशलाई ९ गोलको अन्तरले पराजित गरेको खण्डमा नेपालले फाइनलमा स्थान पक्का गर्नेछ ।
५ राष्ट्र सहभागी च्याम्पियनसिपको शीर्ष दुई टोलीले उपाधिका लागि प्रतिस्पर्धा गर्नेछ ।