फिफा वरीयतामा नेपाल एक स्थान तल झर्यो

काठमाण्डौ, साउन २० । फिफा वरीयतामा नेपाली महिला फुटबल टोली एक स्थान तल झरेको छ ।
विश्व फुटबलको सर्वोच्च निकाय फिफाले आज सार्वजनिक गरेको नयाँ वरीयतामा नेपाल एक स्थान तल झरेर १ सय २ औँ स्थानमा पुगेको छ । अघिल्लो पटकको वरीयतामा नेपाल १ सय १ औँ स्थानमा थियो । एसियाली राष्ट्रको वरीयतामा भने नेपाल २१ औँ स्थानमा रहेको छ ।
विश्व वरीयतामा अमेरिका शीर्ष स्थानमा यथावत् छ भने जर्मनी दोस्रो स्थानमा छ । त्यस्तै, स्विडेन तेस्रो स्थानमा झरेको छ । इङ्ग्ल्यान्ड चौथो र फ्रान्स पाँचौँ स्थानमा छन् ।