धरानका मेयर साम्पाङले गाएको गीत सार्वजनिक

काठमाण्डौ, साउन १० । धरान उपमहानगरपालिकाका मेयर हर्कराज राई (साम्पाङ)ले गाएको गीत सार्वजनिक भएको छ । (साम्पाङ) सहितको स्वरमा बनाइएको हाइकिङ गीत धरानमा सोमबार सार्वजनिक गरिएको हो । सेवक अभियानले सुरु गरेको ‘स्वास्थ्यका लागि पदयात्रा’ अभियानलाई समेटेर बनाइएको गीत सार्वजनिक गरिएको हो । गीतको रचना पदयात्राका अभियन्ता राजीव हलुवाइले गरेका हुन् ।
यस गीतमा चर्चित गायक तथा गायिकाहरू राजेशपायल राई, रमना श्रेष्ठ, मेलिना राई, प्रश्ना शाक्य, डिल्ली फोम्बो, शिव लामिछाने, पम्फा चाहारसँगै धरानका मेयर हर्क साम्पाङले पनि स्वर दिएका छन् । गीतमा मनोज मोतेले सङ्गीत भरेका छन् । धरानका पाखापखेरीमा घुम्न प्रोत्साहन गर्न र पदयात्राको सम्भावना भएको क्षेत्रलाई समेटेर भिडियो बनाइएको हो ।