चीनमा फेरि बढ्यो कोरोना संक्रमण, विभिन्न शहरमा लकडाउन

साउन २६ । चीनमा फेरि कोरोना संक्रमण बढेको छ । कोरोना संक्रमण बढेपछि चीनका विभिन्न सहरहरुमा लकडाउन घोषणा गरिएको छ । देशको पूर्वदेखि पश्चिमका विभिन्न भागमा प्रतिबन्ध र लकडाउन गरिएका हुन् । प्रभावित क्षेत्रमा मानिसको आवतजावतलाई कम गरिनुका साथै मानिसहरूको अनावश्यक आवागमन न्यून गरिएको छ ।
पूर्वी निर्यात र उत्पादन केन्द्र यिउले आज तीन दिनको ‘मौन व्यवस्थापन’ मा प्रवेश गरेको जनाएको छ । अधिकांश बासिन्दालाई तोकिएको क्षेत्र छोड्न प्रतिबन्ध लगाइएको छ भने केहीलाई उनीहरूको घरहरूमा सीमित गरिएको छ ।