१ लाख फिरौती नदिँदा १८ वर्षीय युवकको यसरी भयो हत्या

असोज, २८ । १ लाख फिरौती नदिँदा विराटनगरका १८ वर्षिय एक युवकको हत्या भएको छ । विराटनगर बसपार्कको एक होटेलमा सिरहा गोलबजार घर भएका अंशु सदाको हत्या गरिएको हो । सामान्य किसान परिवारका सदालाई अपहरण गरेर विराटनगरको न्यु अप्सरा गेष्ट हाउसको कोठा नम्बर १ मा हत्या गरेको प्रहरीले जनाएको छ । १ लाख रुपैयाँ फिरौती नदिँदा उनको हत्या भएको प्रहरीले जनाएको छ ।
अपहणकारीले सदालाई असोज २३ गतेदेखि अपहरण गरेर उक्त गेष्ट हाउसमा राखेका थिए । उनको हत्या २७ गते बेलुका गरिएको हो । उनलाई इँटाले मुखमा हानेर कोठाभित्रै हत्या गरेपछि शवलाई बक्स पलङभित्र हालेर भाग्ने कोसिसमा थिए ।
प्रहरीले घटनामा संलग्न भएको आशङ्कामा ३ जनालाई पक्राउ गरेको छ । पक्राउ पर्नेमा धनुषाको विष्णु मण्डल, राजेश ठाकुर र विराटनगरका मनोज कार्की रहेका छन् । घटनाको थप अनुसन्धान भईरहेको छ ।